ბიზნეს უნივერსალი - ინდუსტრიული ნაწილი
პროგრამის მიზანი:
პროგრამის მიზანია მცირე და საშუალო ბიზნესის ხელშეწყობა, ახალი სამუშაო ადგილების შექმნა, კერძო სექტორის კონკურენტუნარიანობისა და სამეწარმეო პოტენციალის ზრდა
პროგრამა მოიცავს შემდეგ მიმართულებებს:
ა) თანადაფინანსების მიმართულება;
- სესხის/სალიზინგო პროექტის თანადაფინანსება;
- საერთაშორისო ბრენდის თანადაფინანსება;
ბ) საგრანტო მიმართულება:
- მწვანე კომპონენტი;
- გაციფრულების კომპონენტი;
- კვლევა და განვითარების კომპონენტი;
- მაღალმთიანი რეგიონის კომპონენტი;
- აგროტურისტული ინდუსტრიის კომპონენტი
პროგრამის მოკლე აღწერა:
სესხის/ლიზინგის თანადაფინანსების მიმართულება მოიცავს კომერციული ბანკის/საინვესტიციო კომპანიის/აქტივების მმართველი კომპანიის ან სალიზინგო კომპანიის მიერ გაცემულ სესხზე/ლიზინგის საგნის ღირებულებაზე დარიცხული საპროცენტო განაკვეთის თანადაფინანსებას. სესხის/სალიზინგო პროექტის მინიმალური მოცულობა შეადგენს 50 000 (ორმოცდაათი ათასი) ლარს, ხოლო მაქსიმალური მოცულობა − 10 000 000 (ათი მილიონი) ლარს.
პროგრამის ფარგლებში დამტკიცებული სესხის თანადაფინანსებისას, სააგენტო ახორციელებს ბანკის/საინვესტიციო კომპანიის/აქტივების მმართველი კომპანიის მიერ, ქვემოთ მოცემული პირობის შესაბამისად:
- სესხის ვადით, საქართველოს ეროვნული ბანკის მიერ დადგენილ რეფინანსირების განაკვეთს გამოკლებული 3 % ; ან
- 38.11.0, 38.12.0, 38.21.0, 38.22.0, 38.31.0, 38.32.0 ქვეკლასის კოდებისთვის სესხის ვადით, საქართველოს ეროვნული ბანკის მიერ დადგენილ რეფინანსირების განაკვეთის ოდენობით.
პროგრამის ფარგლებში დამტკიცებული სალიზინგო პროექტის თანადაფინანსებისას, სააგენტო ახორციელებს ლიზინგის გამცემის მიერ ლიზინგის საგნის ღირებულებაზე დარიცხული საპროცენტო განაკვეთის თანადაფინანსებას, ქვემოთ მოცემული პირობის შესაბამისად:
- სალიზინგო პროექტის ვადით, საქართველოს ეროვნული ბანკის მიერ დადგენილ რეფინანსირების განაკვეთს გამოკლებული 1%; ან
- 38.11.0, 38.12.0, 38.21.0, 38.22.0, 38.31.0, 38.32.0 ქვეკლასის კოდებისთვის სალიზინგო პროექტის ვადით, საქართველოს ეროვნული ბანკის მიერ დადგენილ რეფინანსირების განაკვეთს დამატებული 2 %
პროგრამას ფარგლებში გაცემული სესხის მიზნობრიობა:
- ჯამურად ათვისებული სესხის მოცულობის არანაკლებ 20 % უნდა იქნეს მიმართული კაპიტალური ან/და კვლევა და განვითარების ხარჯებისთვის;
- ჯამურად ათვისებული სესხის მოცულობის არაუმეტეს 80 % უნდა იქნეს მიმართული საბრუნავი საშუალებებისათვის;
პროგრამის ფარგლებში დაუშვებელია:
- სატრანსპორტო საშუალებების რემონტი და შეძენა, გარდა შესაბამისი დანართით გათვალისწინებული შემთხვევებისა (იხ. დანართი - სატრანსპორტო საშულებების შეძენა/რემონტის შეზღუდვის საგამონაკლისო შემთხვევები)
- მხოლოდ საოფისე ფართის (ადმინისტრაციული შენობის) მშენებლობა, რემონტი, აღჭურვა
- სახელმწიფო ან/და კერძო საკუთრებაში არსებული უძრავი ქონების შეძენა ან/და საქართველოს სამოქალაქო კოდექსით გათვალისწინებული ფორმებით დროებით სარგებლობაში აღება;
საერთაშორისო ბრენდის თანადაფინანსება მოიცავს - საერთაშორისო ბრენდის გამოყენებისთვის ბრენდის გამოყენებით საქმიანობის დაწყებიდან 36 თვის განმავლობაში დარიცხული და ამ პერიოდზე 41 თვის მანძილზე გადახდილი გადასახადის ანაზღაურებას არაუმეტეს 600 000 ლარის ოდენობით, საერთაშორისო ბრენდის გამოყენებით საქმიანობის დაწყებიდან არაუგვიანეს 6 კალენდარული თვის განმავლობაში სააგენტოსა და პროგრამის ბენეფიციარს შორის გაფორმებული შესაბამისი ხელშეკრულების საფუძველზე, თითოეულ საანგარიშო წელზე, წელიწადში არაუმეტეს 300 000 ლარისა.
საგრანტო მიმართულება მოიცავს - სესხის/ლიზინგის კომპონენტში ჩართული ბენეფიციარისთვის არაუმეტეს 500 000 ლარის ოდენობით ე.წ. „ქეშ ბექის“ შეთავაზებას.
- მწვანე კომპონენტი - ხარჯის 15% არაუმეტეს 200 000 ლარის ოდენობით;
- გაციფრულების კომპონენტი - ხარჯის 50% არაუმეტეს 70 000 ლარის ოდენობით;
- კვლევა და განვითარების კომპონენტი - ხარჯის 15% არაუმეტეს 500 000 ლარის ოდენობით;
- მაღალმთიანი კომპონენტი - ხარჯის 10% არაუმეტეს 200 000 ლარის ოდენობით;
- აგროტურისტული ინდუსტრიის კომპონენტი - 15% არაუმეტეს 500 000 ლარის ოდენობით.
ამასთან, ყველა კომპონენტის ფარგლებში, ქალი მეწარმეებისთვის იზრდება მხარდაჭერა, შესაბამისი პროპორციის გათვალისწინებით (იხ. დადგენილება)
იმ შემთხვევაში, თუ პროგრამის ფარგლებში გაცემული სესხი აკმაყოფილებს საგრანტო მიმართულების როგორც გაციფრულების, ასევე კვლევა და განვითარების კომპონენტით განსაზღვრულ პირობებს, ბენეფიციარი უფლებამოსილია ისარგებლობს მხოლოდ ერთ-ერთი კომპონენტით;
იმ შემთხვევაში, თუ პროგრამის ფარგლებში გაცემული სესხი/სალიზინგო პროექტი აკმაყოფილებს საგრანტო მიმართულების მწვანე კომპონენტს, მაღალმთიანი რეგიონის და აგროტურისტული ინდუსტრიის კომპონენტებით განსაზღვრულ პირობებს, ბენეფიციარი უფლებამოსილია ისარგებლოს მხოლოდ ერთ-ერთი კომპონენტით;
პროგრამის სამიზნე ჯგუფი და გეოგრაფიული არეალი:
პროგრამა ხორციელდება საქართველოს ყველა რეგიონსა და თბილისში (გარდა სასტუმრო და აგროტურისტული ინდუსტრიებისა, იხ. დანართი ეკონომიკური საქმიანობების მიმართ მოთხოვნები
პროგრამის სამიზნე ეკონომიკური საქმიანობები:
პროგრამის ფარგლებში ფინანსდება 100-ზე მეტი ეკონომიკური საქმიანობა, მათ შორის და არა მხოლოდ:
- დამამუშავებელი მრეწველობა
- სასტუმრო ინდუსტრია
- ტურისტული სერვისები
- აგრო ტურისტული ინდუსტრია
- ეკო ტურისტული ინდუსტრია
პროგრამის სამიზნე ეკონომიკური საქმიანობების ჩამონათვალი იხილეთ მიმაგრებული დოკუმენტებში - პრიორიტეტულ საქმიანობათა ნუსხაში
პროგრამაში მონაწილეობის კრიტერიუმები:
ა)„მეწარმეთა შესახებ“ საქართველოს კანონის შესაბამისად რეგისტრირებული იურიდიული პირი
ბ) მეწარმე სუბიექტის შემოსავალი არ აღემატება 40 (ორმოცი) მლნ ლარს;
გ) სახელმწიფოს მიმართ არ აქვს საგადასახადო დავალიანება (გარდა იმ შემთხვევისა, თუ საგადასახადო დავალიანების გადახდევინება გადავადებულია ან მისი გადახდის ვალდებულება შეჩერებულია კანონის საფუძველზე);
დ) არ არის რეგისტრირებული მოვალეთა რეესტრში;
ე) არ არის სახელმწიფოსა და მუნიციპალიტეტის, აგრეთვე სს „საქართველოს განვითარების ფონდის“ მიერ პირდაპირი ან არაპირდაპირი წილობრივი მონაწილეობით დაფუძნებული იურიდიული პირი;
ვ) რეგისტრირებულია სააგენტოს საკონსულტაციო ცენტრის პროგრამულ უზრუნველყოფაში და არის სააგენტოს საკონსულტაციო ცენტრის წევრი
ზ) საქმიანობა უნდა შედიოდეს საქართველოს მთავრობის მიერ მოცემული პროგრამის ფარგლებში დამტკიცებულ პრორიტეტთა ნუსხაში.
პროგრამის ფარგლებში წარმოსადგენი დოკუმენტაცია:
დაინტერესებული მეწარმე სუბიექტი მიმართავს კომერციულ ბანკს/საინვესტიციო კომპანიას/აქტივების მმართველი კომპანიას /ლიზინგის გამცემ ორგანიზაციას შესაბამისი მოთხოვნით და წარადგენს მათ მიერ განსაზღვრულ დოკუმენტაციას.
პროგრამის განხორციელების ვადები:
მიმდინარე
მიმაგრებული ფაილები:
